La 15-an de januaro 2001 la usonanoj Jimmy Wales kaj Larry Sanger lanĉis la retan enciklopedion “Wikipedia” (Vikipedio),
eo.wikipedia.org/wiki/Vikipedio
kies nomo devenas el la kunmeto de la havaja vorto “wiki” (“rapide”) kaj de la angla “encyclop(a)edia” (“enciklopedio”).
Komence en la angla, ĝi estas nun en preskaŭ 300 lingvoj, inkluzive de Esperanto.
Ĝi estas la plej konsultata fonto de informoj en la reto, kvankam, pro sia libera mastrumado, ĝi estas kelkfoje kritikata koncerne fidindecon.
Mi aldonas italan poŝtmarkon de 1998, laŭ skizo de Anna Maria Maresca, pri la reta komunikado.
