Faraono Amenofi la 4-a (Amenoter, Ka-nekhet Qaisuty, Onos en la diversaj lingvoj) regnis de 1350 ĝis 1333 a. K.

Opozicie al la sacerdota kasto de Tebo, li devige enkondukis la monoteisman kulton de Sun-dio Aton, honore al kiu li alprenis la nomon Akhenaton (aŭ Ekhnaton, Ahn-Aton en Esperanto), kiu signifas “li plaĉas al Aton”, kaj konstruigis novan ĉefurbon, Akhetaton (“horizonto de Aton”, hodiaŭ Tell al-Amarna).

Post lia morto, la sacerdotoj detruis la spurojn de lia kulto.

De tiu frutempa manifestiĝo de monoteismo restis longa “Himno al la Suno”, kies itala traduko estas legebla ĉe

www.webalice.it/gangited/Antologia/Akhenaton.html

De ĝi ekzistas parta traduko al Esperanto, de Kálmán Kalocsay (“Tutmonda Sonoro”, HEF, Budapest 1981, p. 38-39).

verkoj.com/lauteme/klasika/kalman-kalocsay/tutmonda-sonoro/#c40 

Mi transskribas kelkajn versojn, kaj aldonas la bildon de bareliefo honore al Ahn-Aton.

---

Quando sprofondi oltre il confine occidentale dei cieli

la terra è oscurata come se fosse arrivata la morte;

allora gli uomini dormono nelle loro stanze,

il capo coperto, incapaci di vedersi tra loro;

finché sorgi di nuovo ad oriente, o Radioso!

°°°

Kiam okcidente vi subiras, ĉesas brili,

jen, kvazaŭ ili estus jam mortintaj, dormas ili,

kovrita nun ilia kap’, ŝtopiĝis naz’ ilia,

ĝis oriente ree vi leviĝas, ho Radia!